THE MIDAS TOUCH

Jab main choti thi to meri maa ek kahani sunati thi……..

Ek raja tha uska naam MIDAS tha. Usne badi tapasya kar ke bhagwaan se ek vardaan liya ki wo jis cheez ko haath lagayega wo sone ki ho jayegi . Apne vardaan se khush ho kar usne apni har vastu ko sone ka bana diya,lekin galti se uski beti jise wo jaan se bhi jyada chahta tha usko bhi usne sone ka bana diya.

main hamesha sochti thi ki kaash…….

 main bhi MIDAS hoti bas wohi ek galti nhi karti……………

shayad aap logon ne bhi socha hoga………….

par maa kehti “beta MIDAS TOUCH ke saath ek shaap juda tha aur isse wo kabhi bhi nhi bach sakta tha….kabhi nhi”

phir bhi main sochti thi kaash…………………………………

aur aaj sochti hoon to lagta hai ki hum sab mein ek MIDAS hai…… jisne saalon tapasya ki,

 aur phir hamein bhi vardaan mila aur…………………… hamne bhi har cheez ko sone ka bana diya

lekin hamse bhi ek galti ho gayee………….. humne apne aapko hi choo liya

AUR………………………………..

hamari aankhen sone ki ho gayee isliye ab humein apne siva doosra koi dikhai nhi deta.

hamare kaan sone ke ho gaye isliye ab humein kisi aur ki awaz sunai nhi deti..

hamare haath sone ke ho gaye isliye ab hum inhe kisi ki or nhi badhate na dosti ke liye na madad ke liye…..

aur shaayad hamara dil bhi sone ka ho gaya hai isliye ab kuch mahsoosh hi nhi hota na khushi na gam…..

aur ab main sochti hoon ki kaash koi le le mujhse mera yeh vardaan………

 yeh pathraee aankhen.pathraye dil, pathraye shareer,

 aur lota de mujhe meri jindagi wo muskurahat, wo aanshoo,wo ahshaas,wo awaaz…………….

par maa kehti thi na“beta MIDAS TOUCH ke saath ek shaap juda tha aur isse wo kabhi bhi nhi bach sakta tha….kabhi nhi”

phir bhi main sochti hoon kaash…………………………………………………………